بوردا سؤزلوك‌لر بوكولوب‌لر...

داستانیم

شنبه 19 دی 1394
+0 بیه‌نـــــ

یر داستان یازاجام، سنی اوردا داها چوخ سئوجم!
داستانیمدا موزیکه قولاق آسیب لئزگی اوینایاجاییق، سؤز وئرم اؤزومو بیر جور یازام  سنین‌له، موزیک ایله برابر دوز اوینایام!! داها قیچلاریمی بیر-بیرینه دولاشدیرمایاجام. بیلیرم!! من له قارانلیقدا اولماغی سئویرسن عیبی یوخ...
صوبحلری قارانلیق یازاجام هئچ بیر صفحه‌ده، هئچ بیر فصل‌ده دوغودان گونش دوغولمایاجاق...بیر اؤزل سطیرده ایکی آی‌دان یازاجام بیری گلیب سنین، بیریده منیم اوتاغیمی ایشیقلاندیراجاق و سونوندا بیر-بیرمیزله گؤروشنده او ایکی آی بیرله‌شجکلر!

 



بؤلوم : استاتوس-status
یازار : كييانوش-kiyanush

چیراغ

شنبه 19 دی 1394
+0 بیه‌نـــــ

خیابانین او تایینا کئچیم دییه چیراغین بؤرونده دوروب قیرمیز اولماغین گودوردوم! هاممی باشینی موبایلین ایچینه سالمیشدیلار فقط خیابانین او طرفینده بیر قیزدان سونرا... بیر-بیریمیزه باخیب گولدوک. اللریمی جیبیمه سالدیم او ایسه چییینیندن آستادیغی کیفینین زیپینی آچیب باغلادی! میللت باشینی موبایلیندان چیخاردیب آددیملاماغا باشلادی.

قیز چیراغا اشاره ائله‌دی چیراغ قیزمیز ایدی. من دورموشدوم، او دورموشدو ماشینلار دورموشدو، انسانلار گلیب کئچیردی و تزه‌دن گولومسه‌دیم چیراغ یاشیل اولدو. میللت تزه دن دوروب باشلارینی موبایلارینا سالدیلار! موبایلیمیزین شارژی قوتارمیشدی آنجاق او و من هله دورموشدوق..



بؤلوم : استاتوس-status
یازار : كييانوش-kiyanush

کؤلگه...(اؤیکوجوک)

چهارشنبه 8 بهمن 1393
+0 بیه‌نـــــ
حیه‌طین قاپیسی آچیق ایدی اوزومو حیه‌طه ساری توتوب لوم-لوت اوزانمیشدیم!دامدا بیر پیشیک واریدی. من اوچون دووار سیناما پرده‌سی و پیشییین کؤلگه‌سی ایزله‌دیییم فیلم.! آیاغلاریمی یورغانین آلتیندان چیخارتمیشدیم شاید یئلین سویوقلوغون یانان اوره‌ییمه سوزدورلر. 
»هایانا اوزانمیشام!؟ قبله‌یه ساری اوزادیب منی؟ یوخسا پیشییین کؤلگه‌سینه!» اؤز-اؤزومه دئییب کؤلگه‌یه دونوخوب باخدیم! پیشیکین کؤلگه‌سی بئله نظره گلیردی ائله‌بیل قویروغون الینه آلیب شاللاق کیمی توولاییر. بارماغینین اوجونو یاواش-یاواش بوینومدان سوزدوروب بئلیمده دوردوردی. حتمن «هاچان منن وارسان الینی گؤ**ومه ویرمیاجاخ سان» دئدیییم سؤز یادینا دوشموشدو!



بؤلوم : استاتوس-status
یازار : كييانوش-kiyanush

چئگوارا

سه شنبه 24 تیر 1393
+0 بیه‌نـــــ

[من ضعیف دوشمنلری سئویرم! بو ضعیفلرین بیری‌ده چئگوار ایدی! چئگوارانین "علت ضعف"ی آللاه‍آ و روحا اینانجی اولماماقدیر. چون بو دونیادا هر اویون گتیرسم دكتور چئ او دونیادان منیم باشیما هئچ بیر اویون گتیره بیلمز....پس رفیق‌لر منیم نصیحتیمه قولاق آسین اولو تانیریا و روحا اینانین چون ماتریالیستدن چؤرك چیخماز آنجاق معنویات سیزی بیر سیلاحلا قبریستانا آپاریر و او دونیادا چئگوارا كیمین الی بوش قالمیرسیز.]
چئگوارا بیلیرسن‌می؟ من بوگونه قدر هئچ بیر #شاسی‌بلندماشینا مینمه‌میشم!
حتتا دوستلاریمیندا اولماییب! ان باهالی میندیییم ماشین "زانتیا"دی اونودا رحمتلیك حافظ خیابانیندا، گئجه واقتی، محرمچیلیك زامانیندا اردبیلین سویوغوندا بیر سوروجو#زانتیا سینی ساخلادی منده میندیم!
ایندی یوخ بیر نئچه واقت اولار بو فیسبوكدا سنین پوسترلره یازیلمیش سؤزلرینی اوخویورام!
حئیف سن دییه‌ن اولایدی امما اونو بیل اولان دئییل! رفیقیم!! داها پانتورك‌سلی یولداشیم اوزامان كیمین ایندی‌ده انسانلار واردیلاركی اللری آغیزلارینا چاتمیر! ولی عزیز دكتر چئ سنین‌ده الین منه چاتمیر! 
سن بو تزه اكسینده یئنی بیر یول و موبارزه یولو گؤرسه‌دیرسن اگر بیزیم الیمیز آغزیمیزا چاتمیر گرك الیمیزی بیرنیمیزا سالاق! بوتون بورژووالارین كاخانالارین و شركتلرین قاپیسینا ییغیشیب بارماقلاریمیزی بیرنیمیزا سالیب و اونلارا بیلیندیرمه‌لییك ((اگر سیز بیزی قویمورسوز الیمیز آغزیمیزا چاتا بیرنیمیزا چاتدیرا بیلریك!)) آنجاق من سنه سؤز وئریرم خشونتدن اوزاق دوروب وایجازه وئرمه‌یه‌جییك بیری بورنون قوتالایا..امین اول اَخی، خون بی خون بیز بیرنیمیزی قانادان دئییلیك.
یاشا رفیق(یولداش) سنی یورمورام!...[ارنست چگوارا] سنده بونو او دونیادا لنین‌ ایله استالین‌له دانیش منه تئز دئ! بوتون او "اوف"لاری اولان رفیقلره منیم سلامیمی یئتیر و نیگران اولماسینلار #پوتین بوردادی
 


بؤلوم : استاتوس-status
یازار : كييانوش-kiyanush

هم آنا گونو ،هم كارگر گونو...

چهارشنبه 11 اردیبهشت 1392
+0 بیه‌نـــــ

هم آنا گونو ایدی ، هم كارگر گونو...smiley6

بوتون پوسترلر و عكسلركی مجازی دونیادا گؤروردوم هامیسیندا موشترك بیر شئی واریدی و منی شاشیتدی...smiley151

(( اودا آنالارین هامیسی گــــؤزل و قوجاقلاریندا بیر اوغلان اوشاغی)) و كارگرلر اوچون اولان پوسترده ((كارگرلرین هامیسی عصبانی و چوخ هئیكلی ))



بؤلوم : استاتوس-status
یازار : كييانوش-kiyanush

اوستانی سفر

دوشنبه 2 اردیبهشت 1392
+0 بیه‌نـــــ

نئچه گوندور زلزه‌له اوستانی سفرلرینی باشلاییب...

حتمن سئچگیلره حاضیرلانیر  :)



بؤلوم : استاتوس-status
یازار : كييانوش-kiyanush

آفیت اولسون!!

پنجشنبه 29 فروردین 1392
+0 بیه‌نـــــ

بوگون بیر كیتاب اوخویوردوم...كیتابدا ایكی نفرین دانیشیغینا (دیالوگونا) یئتیشركن ، آسقیردیم...

گؤزومو آچیب قالدیغیم یئردن یازینین آردینی اوخوماق ایسته‌ییردیم‌كی گؤردوم ائله دیالوگون اولینده یازیب :

.

.

(( آفیت اولسون!! ))

.

*شاشدیم...ایندی گؤرورم كیتاب بیلمه‌دن صَـــبیر نه‌دیر منه ((آفیت اوسون)) دئییر! smiley1



بؤلوم : استاتوس-status
یازار : كييانوش-kiyanush

[1]

بلاگا گؤره




بؤلوم لر

سون یازیلار

باغلانتی لار

یولداش لار

آرشیو

آچارسؤزلر

سایغاج