یر داستان یازاجام، سنی اوردا داها چوخ سئوجم!
داستانیمدا موزیکه قولاق آسیب لئزگی اوینایاجاییق، سؤز وئرم اؤزومو بیر جور یازام  سنین‌له، موزیک ایله برابر دوز اوینایام!! داها قیچلاریمی بیر-بیرینه دولاشدیرمایاجام. بیلیرم!! من له قارانلیقدا اولماغی سئویرسن عیبی یوخ...
صوبحلری قارانلیق یازاجام هئچ بیر صفحه‌ده، هئچ بیر فصل‌ده دوغودان گونش دوغولمایاجاق...بیر اؤزل سطیرده ایکی آی‌دان یازاجام بیری گلیب سنین، بیریده منیم اوتاغیمی ایشیقلاندیراجاق و سونوندا بیر-بیرمیزله گؤروشنده او ایکی آی بیرله‌شجکلر!

خیابانین او تایینا کئچیم دییه چیراغین بؤرونده دوروب قیرمیز اولماغین گودوردوم! هاممی باشینی موبایلین ایچینه سالمیشدیلار فقط خیابانین او طرفینده بیر قیزدان سونرا... بیر-بیریمیزه باخیب گولدوک. اللریمی جیبیمه سالدیم او ایسه چییینیندن آستادیغی کیفینین زیپینی آچیب باغلادی! میللت باشینی موبایلیندان چیخاردیب آددیملاماغا باشلادی.

قیز چیراغا اشاره ائله‌دی چیراغ قیزمیز ایدی. من دورموشدوم، او دورموشدو ماشینلار دورموشدو، انسانلار گلیب کئچیردی و تزه‌دن گولومسه‌دیم چیراغ یاشیل اولدو. میللت تزه دن دوروب باشلارینی موبایلارینا سالدیلار! موبایلیمیزین شارژی قوتارمیشدی آنجاق او و من هله دورموشدوق..

من بالیق اولموشام!

بو شهرده

سنی گؤرندن

آرخانجا...

كوچه‌دن، كوچه‌یه

اوزوموشم اووچوم

گل...

توت منی، سؤیكه دووارا

قارماقلی دوداقلارین‌لا

آی اووچو قیز..

***

mən balıq olmuşam!

bu şəhərdə səni görndən

arxanca...

küçədən, küçəyə

uzümüşəm ovçüm

gəl...

Tut məni, söyəkə duvara

qarmaqlı dodaqlarınla

_ovçu qız.

«اسفند92»

«بـیـر»

«ایــكــی»...

«اون»...

«ایییرمی»...

«قیرخ»

دوواردا بیری

گؤز قویوب، من و او قاچیریق

«الله اكبر...الله اكبر»

قارانلیقدا تاپیلماق قورخوسو

گیزلنمیشیك دوداغیمیزی تاپاق

«حی علی خیر العمل...حی علی خیر العمل»

سونا گلیر اؤپوشمك، گیزلنمك

«لا اله الّا الله...لا اله الّا الله»

«دوخسان»...

«یوز»...

«92-تیر»

اللریمدن چیخدی

نه‌یی اولورسان اول، انتقام آلاجام...

əllərimdən çıxdı

nəyi olursan ol, intiqam alacam...

mən ormanda faşist bir çiçəkidim!

خورداد 92

هم آنا گونو ایدی ، هم كارگر گونو...

بوتون پوسترلر و عكسلركی مجازی دونیادا گؤروردوم هامیسیندا موشترك بیر شئی واریدی و منی شاشیتدی...

(( اودا آنالارین هامیسی گــــؤزل و قوجاقلاریندا بیر اوغلان اوشاغی)) و كارگرلر اوچون اولان پوسترده ((كارگرلرین هامیسی عصبانی و چوخ هئیكلی ))

ﮔﻮﻧﻮﻣﻮﺯﻭﻥ ﺧﻴﺎﻭﺍﻧﻼﺭﻳﻦ ﺁﺩﺩﻳﻤﻼﻳﻴﺮﺩﻱ ﺳﺎﻋﺎﺕ

ﺗﻴﻚ

 ﺗﻴﻚ

ﺗﻴﻚ!

ﺳﻨﻲ ﺳﺌﻮﺩﻳﻴﻴﻢ ﻳﺌﺮﺩﻩ‌ﻳﻴﻢ

ﭼﻴﺮﭘﻴﻨﻴﺮ ﺍﻟﻴﻨﺪﻩ‌ ﺁﭘﺎﺭﺩﻳﻐﻴﻦ ﺍﻭﺭﻩ‌ﻙ

ﺩﺍﻣﺠﻲ ﺩﺍﻣﺠﻲ

ﺁﻏﻼﻳﻴﺮ ﺍﻟﻴﻤﺪه ﺳﺎﻋﺎﺕ‌

ﺗﻴﻚ

 ﺗﻴﻚ

ﺗﻴﻚ!

ﺩﺅﺯﻭﺭﻡ

ﭼﺘﺮ ﺁﭼﻴﺮﺍﻡ

ﺳﻨﻪ،ﺳﺎﻋﺘﺎ،ﺳﻴﻘﺎﺭﺍﻣﺎ

***

günümüzün xiyabanların addımlayır saat

tık

tık

tık!

səni sevdiyim yerdəyim

çırpınır əlində apardığın ürək

damcı damcı

ağlayır əlimdə saat

tık

tık

tık!

dözürəm

çətr açıram

sənə,saata,siqarıma

فروردین91

نئچه گوندور زلزه‌له اوستانی سفرلرینی باشلاییب...

حتمن سئچگیلره حاضیرلانیر  :)